Балалар арасындағы жанжал ата-аналар төбелесіне ұласты (видео)

Оралда көпқабатты үйдің ауласында балалар арасындағы жанжал ата-аналар төбелесіне ұласты. Көршілер арасындағы қақтығысты тұрғындардың бірі хабарлаған.

Бұл туралы Orda.kz хабарлады.

Оқиға 25 мамыр кешкі сағат 10-дар шамасында орын алған.

– Патрульдік жасақ оқиға орнына келгеннен кейін жанжалға қатысушылардың құқыққа қайшы іс-әрекеттері тыйылды. Алдын ала мәлімет бойынша, бірнеше адам дене жарақатын алған. Алдымен балалар өзара сөзге келген. Содан кейін ата-аналар кірісіп, ұрыс-керіс жұдырық жұмсауға ұласқан. Жанжалға қатысушылар мен куәгерлер тергеліп жатыр, – деп хабарлады облыстық полиция департаменті.

Төбелеске қатысқан ата-аналар Қылмыстық кодекстің 293-бабы, 2-бөлімі «Бұзақылық» бойынша жауапқа тартылатын болады.