Балалар арасындағы әлімжеттік: мектеп директоры марапатталды

Бөгенбай батыр атындағы облыстық спорттағы дарынды балаларға арналған мектеп-интернатының директоры Тұрсынбай Тоққожыновқа президент Қасым-Жомарт Тоқаевтың қолынан сыйлық табыс етілді.

Бұған дейін Тоққожынов Степногорск спорт мектебін басқарған. Онда жоғары сынып оқушылары әлімжеттік ұйымдастырып, төменгі сыныптардан ақша алып, оларды ұрып-соққан. Алайда жетінші сынып оқушыларының бұзақылығы бейнеленген видео БАҚ-қа тарағаннан кейін Тоққожынов жұмыстан босатылған.

Бірақ араға бір ай салып, оның Facebook парақшасында президент қол қойған медаль мен сертификаттың суреті жарияланды. Артынша жазба өшірілді.

Еске салсақ, бұған дейін Қасым-Жомарт Тоқаев мемлекеттік наградалар мен сыйлықтарды тапсырудың дәстүрлі салтанатты рәсіміне қатысты. Оның жарлығымен елге еңбегі сіңген азаматтар марапаттарға ие болды.