Балабақшалардағы жанжал: Тәрбиешілер арасынан сотталғандар анықталды

Жетісу облысы бойынша балабақша қызметкерлері арасынан 11 қызметкердің бұрын сотталғаны анықталды.

Бұл туралы Жетісу облысының прокуратурасы хабарлады.

Бұрын сотталған 11 қызметкерді жұмысқа алудан бөлек, білім беру ұйымдарында 200-ден астам заң бұзушылықты анықтаған тексеру қорытындысын жариялады.

Кербұлақ ауданындағы балабақшалар бюджеттен 25 миллиондай қаржы жымқырғаны белгілі болды.

 Жалпы қорытындыға үңілсек, соттылығы бар адамдарды балабақшаға заңсыз жұмысқа орналастыру, қажетті инфрақұрылымдық қауіпсіздік шараларының жоқтығы, сондай-ақ қомақты бюджет қаражатын ұрлау фактілері бар.  Бұзушылық фактілері бойынша 22 қадағалау хаттамасы жасалып, 47 тәртіптік және әкімшілік іс қозғалды.