«Балабақшада да кісі өлімі бар»: Қорғаныс вице-министрі жастардың әскерге барудан неге қорқатынын түсіндірді

Неліктен Қазақстан жастары әскерге барудан қорқады? Бұл сұраққа Қорғаныс министрінің бірінші орынбасары Сұлтан Камалетдинов жауап беруге тырысты, деп хабарлайды Orda.kz. 

Оның айтуынша, бұл — әлеуметтік және психологиялық сипаттағы мәселе. 

«Жастар жайлы өмір сүруге үйренген. Олар расында өзгеше өмірден қорқады. Олар еркіндікке, қалыптасқан бір тәртіпке үйреніп қалған. Ал әскер — мүлде басқа әлем. Әрине, бұл қорқыныш туғызады», — дейді министрлік өкілі.

Ол мұндай қорқыныштың — табиғи құбылыс екенін атап өтті.

«Бұл — кез келген адам үшін қалыпты нәрсе. Мәселе адам бұл қорқынышты қалай жеңетінінде. Бұл — бәрімізге ортақ мәселе, оны да бірге шешуіміз керек». 

Өткен жылы әскерге аттанып, мүрдесі қайтқан балалардың ата-аналары әділдік талап етті. Ол жағдай үлкен резонанс тудырды. Мұндай қайғылы оқиғалар туралы бұқаралық ақпарат құралдары да тұрақты жатыр. 

«Адамдар тек әскерде ғана емес, мектептерде, балабақшаларда, жолда да қаза табады. Мен бұл мәселеге соншалықты акцент қоймас едім», — деді спикер.

Ол әскерде мұндай жағдайлар азайғанын көрсететін статистика бар екенін айтты. Бірақ соңғы жылда қанша әскери қызметкер қаза тапқанын нақты айта алмады.

Еске сала кетсек, жақында ғана «шатыр басып қалды» деген (ред. ресми нұсқада осылай жазылған) қайтыс болған сарбаз Алмас Шахимовтың ісі бойынша алғашқы сот отырысы өтті. Ал оның ата-анасы баласының өліміне шатырдың еш қатысы жоқ екенін айтады.