Бала зорлығы жалғасуда: Павлодар облысындағы балалар үйлері тексеріледі

Жыл басынан бері Павлодар облысында балаларға қатысты 35 зорлық-зомбылық фактісі тіркелген. Майқайың ауылындағы атышулы іс аясында көңілге қаяу түсіретін статистика жарияланды, деп хабарлайды Orda.kz.

Облыстың бала құқықтары жөніндегі уәкілі Сәуле Шәкенева бала асырап алған отбасыларға ерекше көңіл бөлінетінін айтты. Бауыры мен әпкесі бірдей  зорлық көрген Майқайыңдық отбасы дәл осы санатқа жатады. Мұғалім бірінші болып байқап қалып, іс ашылды.

«Бір сыныптың өзінде осындай жағдайға тап болған төрт отбасы болды. Алайда, бұл отбасындағы өгей әкенің мінез-құлқы мұғалімді алаңдатқан: ол өзін дөрекі ұстады, ал өгей қызына деген көзқарасы ер адамның әйелге деген көзқарасына ұқсайтын. Бұл мұғалімді қызға мұқият қарауға мәжбүр етті», - деді Сәуле Шәкенева брифингте. 

Білім басқармасының мәліметінше, анықталған 35 зорлық-зомбылықтың 16-сын мұғалімдер ашқан. Құрбан болғандардың ішінде алты бала жетімдер үйінде тұратын жетім балалар.

Жеті жасар Милана Давыдовамен болған жантүршігерлік оқиғадан кейін билік ауылдық жерлерде үй-үйді аралап жүйелі түрде сауалнама жүргізе бастады. Дегенмен, барлық отбасы инспекторларды кіргізе бермейді.

«Бүгінде Павлодар облысында 573 қолайсыз отбасы есепте тұр, онда 1362 кәмелетке толмаған бала тәрбиеленуде. Оның ішінде мектеп жасындағы 828 бала, мектеп жасына дейінгі 351 бала және 138 оқушы бар. Бұл көрсеткіш күн сайын өзгеріп отырады», – дейді облыстық білім басқармасының басшысы Самал Айтқазина.

Облыстық полиция жыл ішінде облыстық сот ата-ана құқығынан айыру немесе шектеу туралы 216 шешім қабылдағанын атап өтті.

«Кәмелетке толмағандар арасындағы қылмыстың алдын алу аясында тәулік бойы жұмыс жүргізіліп, оның ішінде «Қауіпсіз демалыс күндері» және «Балалар үйден тыс» акциясы өтіп тұрады. Қиын өмірлік жағдайға тап болған балаларға ерекше көңіл бөлінеді», - дейді ювеналды полицияның аға инспекторы Бибігүл Қамзина. 

Ал, облыс прокуратурасы балалар үйлері мен мамандандырылған мекемелерде тексеру жұмыстарын бастады. 10 бен 16 жас аралығындағы 105 қызды міндетті медициналық тексеру қорытындысы бойынша жыныстық қол сұғылмаушылық бұзылғаны туралы алты факті анықталды.

«Бір факті бойынша ҚР Қылмыстық кодексінің 122-бабының 4-бөлігі бойынша қылмыстық іс қозғалды. Қалған істер зерттелуде. Дәлелдер жеткілікті болған жағдайда тиісті процессуалдық шешімдер қабылданады», деп түсіндірді қадағалау органы. 

Тексерулер жалғасуда және жаңа жағдайлар анықталуы мүмкін.