Бала асырап алу құпиясын жария еткені үшін сотталды

Ақмола облысының тұрғынына бала асырап алу құпиясын жария еткені үшін қылмыстық іс қозғалды.

Бұл туралы Orda.kz ҚазАқпаратқа сілтеме жасап хабарлады.

Облыстық полиция департаментінің баспасөз қызметі хабарлағандай, бірнеше жыл бұрын отбасы құпияны сақтау үшін баланы ресми түрде асырап алып, тұрғылықты жерін ауыстырған. Алайда балаға өзін асырап алғандығы туралы отбасының жаңа тұрғылықты жерінде хабарланған. Баланың ата-анасы полицияға арызбен жүгінген. Күдікті 41 жастағы жергілікті тұрғын болған.

– 18 сәуірде жәбірленушімен жанжалдан кейін әйел бұл ақпаратты асырап алған балаға айтқан. Кінәні мойындаған мәлімдеме бар, - деп атап өтті департамент.

Аталған факт бойынша ҚР Қылмыстық кодексінің 138-бабы «Бала асырап алу құпиясын ашу» бойынша сотқа дейінгі тергеу басталды.