Балқаштың балықтары өліп жатыр

Балқашта табан балығына сұраныс жоқ. Олар жағалауда шашылып жатыр. Қармаққа түскен табандарды аулаушылар тастап кетіп жатыр. Бұл өрескелдік балықшылардың шамына тиіп, олар шағымдануда.

Балқаш көліндегі өлі балықтарды балықшылар видеоға түсіріп, желіде таратқан. Видео Instagram әлеуметтік желісінде пайда болды.

«Міне, біздің балықшылар кеше балық аулауға шықты. Торға түскен көксеркені алып, табанды осылай тастап кеткен. Мұндай көріністі әр ойықтан көруге болады. Ал біз болсақ, олар қашан көбейіп, біздің қармағымызға түседі екен деп жүрміз. Қашан бәрі дұрысталады?», - деді видео авторы.