Балқашта полиция қызметкерлері терезеден кіріп, тойды тоқтатты

Балқашта мобильдік топ тойды алдын алу үшін өрт сөндірушілерді шақырып, мейрамхананың терезесінен кіруге мәжбүр болды.

Бұл туралы Orda.kz хабарлады.

Балқаш қаласының тұрғындарының бірі полиция қызметкерлеріне эпидемиологиялық жағдайға қарамастан той өтіп жатқаны туралы айтқан. Мобильдік топ мейрамханаға бірнеше минутта жеткен.

Мейрамхана әкімшілігі есікті ішінен іліп алғандықтан, мобильді топ өрт сөндірушілерді шақырып, мейрмханаға терезеден кірген.

– Бүгін сағат 15:30 шамасында жақында ашылған «Айлин» мейрамханасында мобильдік топ той үстінен түсті. Мекеме әкімшілігі қонақтарын іштен жауып, рейд мүшелерін кіргізбеген. Арнайы күштер шақыртылып, ішке терезе арқылы түсуге тура келді, - деп жазды әкімдіктегілер.

Факт бойынша әкімшілік хаттама жасалған. Ол Балқаш қаласы санитарлық-эпидемиологиялық қадағалау басқармасына жіберілген.

Енді жауапқа тек мейрамхана иесі мен ұйымдастырушысынан басқа, келуші қонақтар да тартылуы мүмкін.