Балқаш тұрғыны жасөспірімді жезөкшелікпен айналасуға мәжбүрледі

Ішкі істер министрлігі STOP қозғалысының алдын алу шарасы аясында адам саудасына байланысты 70-тен астам қылмысты ашты.

Бұл туралы Orda.kz хабарлады.

Полицейлер қанау мақсатында заңсыз бас бостандығынан айырудың 1 фактісін, адам саудасының 3 фактісін, кәмелетке толмағандарды сатудың 7 фактісін, жезөкшелікпен айналысудың 16 фактісін анықтады. Оның ішінде кәмелетке толмағандарды жезөкшелікпен айналысуға итермелеу бойынша 3 факті тіркелді. Қалған 47 іс жезөкшелікпен айналысатын үй-жайларды ұйымдастыру фактілері.

Осы орайда, 22 әкімшілік құқық бұзушылық тіркелді.

– Қарағанды ​​облысында 22 жастағы Балқаш қаласының тұрғыны ұсталды. Ол үш апта бойы кәмелетке толмаған баланы жезөкшелікпен айналысуға мәжбүрлеп, клиенттер тауып берумен айналысқан. ҚР Қылмыстық кодексінің 134-бабы бойынша қылмыстық іс қозғалды, - деді ІІМ Криминалдық полиция департаменті бастығының орынбасары Қанат Нұрмағамбетов.

Атырау облысында Шымкент қаласының 27 жастағы тұрғыны алдау арқылы Түркістан облысының 22 жастағы тұрғынын төрт айға жезөкшелікпен айналысуға мәжбүрлеген.

– Күдікті өзінің мәліметтерін интернет-ресурстарға интимдік қызмет көрсету туралы жарнамамен орналастырды. Бұл факті бойынша да қылмыстық іс ашылды, - деп толықтырды Нұрмағамбетов.