Балқаш көліне нәжіс суының төгілгені туралы ақпарат расталмады

Балқаш көліне нәжістің ағуы туралы ақпаратты Қарағанды ​​облысы бойынша экология департаменті жоққа шығарды.

Әлеуметтік желілер мен БАҚ-та осындай ақпарат пайда болғаннан кейін департамент «Балқаш су» КМК жоспардан тыс тексеру бастады. Оқиға орнында ағынды сулардың үлгілері алынды. Экология департаменті нәжістің  көлге түспегенін айтты. Сынамалар зертханалық зерттеуге жіберілді.

 «Ағынды су көлге емес, жер бетіне шығарылды. Ағызу Ақтоғай ауданы, Шашубай ауылынан бес шақырым жердегі «Балқаш су» мемлекеттік кәсіпорнының теңгеріміндегі қалдық қоймасынан шыққан. Біз аталған жерге барып,  барлық үлгілері алдық. Тексеру нәтижесі кейінірек хабарланады» деді министрлік.

 «Балқаш су» коммуналдық кәсіпорнының басшысы Николай Тян да көлге нәжістің ағып жатқаны туралы ақпаратты растамады. Ол апатты булану тоғанының Балқаш көлінен 1,5 шақырым қашықтықта орналасқанын және оның деңгейінен төмен орналасқанын айтты.

Ақтоғай ауданының тұрғындары тоғанға ағып жатқан өткір иісі бар сары түсті сұйықтықты көргендігін айтқан. Оқиға орнында түсірілген видеоның авторы нәжістің көлге шұңқырдан түскенін алға тартқан.

Өз кезегінде Шашубай ауылының әкімі Данияр Серіков бұл мәліметтерді тексеруге ауылдың полиция бастығы және тұрғын үй-коммуналдық шаруашылығы мамандарымен бірге барғанын айтты.