Балқаш көліне нәжіс суы төгілді

Экологтар шұғыл түрде Балқаш көліне қарай шықты. Тұрғындар тоғанға ағып жатқан өткір иісі бар сары сұйықтықты көрген. Кәріз желілеріне қызмет көрсететін компания тексеру жұмыстарын бастады.

КТК телеарнасының хабарлауынша, адамдар нәжіс қосылған су жақын маңдағы шұңқырдан ағып, көлге кеткенін айтты. Олар Балқаштың ластанғаны туралы ауыл әкімдігіне бірнеше рет шағымданғанын, бірақ ешқандай реакция болмағанына сендірді.

Әлеуметтік желіде көп сын айтылған соң шенеуніктер ақыры оқиға орнына барды. Қазір экология департаментінің қызметкерлері оның қандай су екенін, көлге қандай зиян тигізетінін анықтау үшін сол жерге аттанды.

«Біз Шашубай ауылының полиция бастығымен және тұрғын үй-коммуналдық шаруашылығы мамандарымен бірге жолға шықтық. Мемлекеттік кәсіпорынның балансында тұрған Балқаш қаласынан нәжісті сарқынды суларды ағызу бойынша заң бұзушылық фактілерін тіркедік. Серіктестікте тексеру жүргізу туралы ұйғарым шығарылды» деді Шашубай ауылының әкімі Данияр Серіков.