Бақытжан Сағынтаевтың бұрынғы күйеу баласының өліміне қатысты іс тоқтады

Qazaq Bank-тің бұрынғы акционері, кәсіпкер Бақыт Ибрагимнің өліміне қатысты қозғалған қылмыстық іс тоқтатылды, деп хабарлайды Orda.kz. 

Бақытжан Сағынтаевтың бұрынғы күйеу баласына қатысты істі полиция қылмыс құрамы болмағандықтан тоқтатты. 

Кәсіпкер Бақыт Ибрагимнің наурыз айында өлі табылғанын хабарлаған едік. Полиция «өзіне қол салуға итермелеу» бабы бойынша қылмыстық іс қозғаған.

Бақыт Ибрагим 2020 жылы қарашада қаржы жымқырғаны үшін 8 жылға бас бостандығынан айырылған. 2021 жылы апелляциялық инстанция жазаны жұмсартып, оған 7 жыл берді. 

Мәліметтерге сүйенсек, Бақыт Ибрагим Бақытжан Сағынтаевтың үлкен қызы Меруерт Әбдірге үйленген. БАҚ олардың ажырасып кеткенін жазды.