Бақытжан Байжанов апелляциялық шағым түсірді

Бұл ақпаратты Бақытжан Байжановтың адвокаты Ғазиз Ынтықбаев растады, деп хабарлайды Orda.kz порталы  Тіл кеспек жоқ телеграм каналына сілтеме жасап.

«Ол төрт жылға бас бостандығынан айырылып, ең қатаң жаза алды. Біз жаза мөлшерімен ғана емес, «Байжанов кінәлі» деген үкіммен де мүлдем келіспейміз. Біз апелляциялық шағымда нақты фактілер келтірдік. Байжановтың іс-әрекетінде қылмыстық құқық бұзушылық жоқ деп есептейміз», — деді ол. 

Еске салайық, Бақытжан Байжанов үкімге қатысты пікірінде «Не үшін 4 жыл берілді? Кінәсіз адамды соттадыңыздар» деген еді. 

Оған «қылмысты жасырды» деген айып тағылып, 4 жылға сотталды. Экс экономика министрі Қуандық Бишімбаев 24 жылға сотталды. 

Қуандық Бишімбаевтың адвокаты Лейла Рамазан өз қорғауындағы азаматтың апелляциялық шағым түсірмегенін айтқан болатын.