Бақыт Қажыбаев Қытайдағы халықаралық кинофестивальде «Үздік актер» атанды

Бақыт Қажыбаев Қытайда өткен Шанхай ынтымақтастық ұйымына мүше елдердің кинофестивалінде «Үздік актер» атағына ие болды, деп хабарлайды Orda.kz.

Қазақ актері «Операция Набат» фильміндегі басты рөлді шынайы орындағаны үшін марапатталды. Картина 1992 жылғы ақпанда 30 жолаушысы бар рейстік автобустың басып алынғанын баяндайды. Қазақстандық күштік құрылымдардың кәсіби іс-әрекетінің арқасында операция құрбандарсыз аяқталған.

Бұл жеңіс — актер үшін ғана емес, халықаралық деңгейде танылып келе жатқан отандық кино үшін де маңызды жетістік.

Еске сала кетсек, актер «Міржақып. Оян, қазақ!» телесериалында Міржақып Дулатұлының рөлін сомдаған еді.