Бакуде адам өлтіріп қашып кеткен қазақстандық құрықталды

Баку халықаралық әуежайында адам өлтіргені үшін халықаралық іздеуде жүрген  25 жастағы қазақстандық ұсталды деп хабарлайды Orda.kz.

Polisia.kz мәліметінше,  Қазақстан ішкі істер интерполының сұрауы бойынша Баку халықаралық әуежайында 25 жастағы қазақстандық азамат ұсталды. Ол кісі өлтіргені үшін іздеуде жүрген. Нақтырақ айтар болсақ,  ұсталған күдікті жәбірленушінің ақшасын иемдену ниетімен оған дене жарақатын салған екен, ол алған жарақаттан қайтыс болды. Кейін ер адам мәйітті Алматы облысындағы Іле ауданына апарып тастап, артынша өзі елден қашып кеткен. Қазіргі уақытта ұсталған күдікті қамауда.