«Бактерияға толы минералды су»: Nestle компаниясының басы дауға қалды

Атақты Nestle компаниясы сататын судың ішінде ішек бактериялары бар екені анықталды.

Бұл туралы BILD басылымы хабарлады.

Nestle компаниясы таза минералды су деп ішек бактериялары бар, жай сүзгіден өткен суды сатып келгені анықталды.

2024 жылдың қаңтар айында Les Echos газеті Nestle Water France компаниясының ластанған суды ультракүлгін сәуле және көмір сүзгілері арқылы тазартқанын хабарлады. Мұндай әдістер құбыр суын сүзгіден өткізгенімен, ЕО-да бөтелкеге құйылған мұндай минералды суды сатуға тыйым салынған болатын.

Жаңа зерттеулер нәтижесінде компания қолданған судан ішек бактериялары табылды. Mediapart зерттеулерінің нәтижесінде, компанияның соңғы 15 жылдағы сатқан өнімінен келген шығын 3 миллиард еуро болды.

«Nestlé онжылдықтар бойы әлемнің түкпір-түкпірінде, соның ішінде Франция мен Еуропада, «табиғи минералды су» деп, миллиардтаған бөтелке суды сатып келді. Ал тұтынушылар бұл туралы ештеңе білмеді», – деді foodwatch France ұйымынан Ингрид Крагл.