БАҚ-та Нұрлан Сабуровтың шетелдегі жылжымайтын мүліктері туралы ақпарат таралып жатыр

Қазақстандық әзілкеш Нұрлан Сабуров Мәскеу облысындағы сәнді коттедж бен жер телімінің иесі болып шықты. Стендапер жабық элиталық кентте тұрады, оның құны шамамен 115 миллион рубль (шамамен 731 миллион теңге) болады. Әртістің иелігіндегі кадрларды SHOT телеграм-арнасы жариялады, деп хабарлайды Orda.kz.

Арнаның мәліметінше, әзілкештің үйі «Новорижский» тұрғын үй кешенінде 1285 шаршы метр алаңда орналасқан.

Сабуров жерді 2022 жылы 12,2 миллион рубльге сатып алыпты. Онымен бірге оның отбасы - әйелі және үш баласы тұрады, ерлі-зайыптылар бұның бәрін көпшілік көзінен таса ұстағанды жөн көреді.

Сондай-ақ стендаперде екі автомобиль бар: 2018 жылғы SBR нөмірімен Mercedes «Гелендваген», оның бағасы - шамамен 20 миллион рубль (128 миллион теңге) және 2021 жылғы Cadillac Escalade, құны шамамен 11 миллион рубль (70 миллион теңге).

19 мамырда Нұрлан Сабуров Шереметьево әуежайында көші-қон заңнамасын бұзғаны үшін ұсталды, себебі 90 күнге рұқсат етілген мерзімінен асып кеткен.

Дегенмен Сабуров айыппұлмен құтылды, оған РФ-дан кетуге және көші-қон заңнамасының барлық ережелері бойынша қайтып келуге екі апта уақыт берілді.