Байжанов жазасының өтелмеген бөлігін ауыстыруды өтінбек

Бишімбаевтың ісі бойынша Байжанов жазасының өтелмеген бөлігін ауыстыру туралы өтінішін қарашаның басында бере алады, деп Orda.kz хабарлайды.

Салтанат Нүкенованың ісі бойынша сотталған Бақытжан Байжанов бас бостандығынан айыру мерзімінің өтелмеген бөлігін ауыстыру туралы өтінішін 2024 жылдың қараша айында бере алады. Оның қорғаушысы Ғазиз Ынтықбаев Байжанов мұндай өтініш беру-бермейтінін әлі шешпегенін айтады.

Оның айтуынша, шартты түрде мерзімінен бұрын босатылу үшін Байжанов тағайындалған 4 жылдың 2 жылын өтеуі керек. 

«Байжанов жазасының өтелмеген бөлігін жеңілірек жазаға, бас бостандығын шектеуге немесе айыппұлға ауыстыру туралы өтініш беруге мүмкіндігі бар. Егер ол бір рет өтініш беріп, бас тартылса, онда ол 6 айдан кейін ғана қайта өтініш беруге құқылы. Ол шешім қабылдап, мекеме әкімшілігіне өтініш жазуы керек, кейін сотқа өтініш хат жолданады», - деді Ынтықбаев

Еске сала кетейік,  2024 жылды бұрынғы ұлттық экономика министрі Қуандық Бишімбаев  жұбайы Салтанат Нүкенованы аса қатыгездікпен азаптап өлтіргені үшін 24 жылға бас бостандығынан айырылған болатын. Ал Бақытжан Байжанов аса ауыр қылмысты жасырғаны үшін кінәлі деп танылып, 4 жылға бас бостандығынан айырылды.