Байзақтағы жарылыстан қираған үйлердің қалпына келтірілуіне зардап шеккен тұрғындар наразылық білдіруде.

Байзақтағы жарылыс: қираған үй иелері наразы

Жамбыл облысы, Байзақ ауданының тұрғындарына көмек ретінде жергілікті бюджеттен қаражат бөлініп, сондай-ақ көмек көрсетуге демеушілер де тартылатындығы айтылған болатын.

Байзақ ауданында төтенше жағдай кезінде бүлінген нысандарды тексеру және қалпына келтіру үшін 7 жұмыс тобы құрылды. Олардың құрамына құрылыс басқармасының, ҚазҚСҒЗИ, жобалау ұйымдарының қызметкерлері және ТЖ қызметкерлері тартылды.

Байзақтағы жарылыс: қираған үй иелері наразы

Бірақ, Қайнар ауылындағы Бірлік көшесі 2 үйдің тұрғыны Мақсат Ізбасханұлы құрылысшылардың жасайтын жұмысына наразылығын білдірді.

— Олар сыртын қаптап, сылағын түсірмей қаптаймыз дейді. Көріп тұрсыздар үйдің қабырғасы қимылдап тұр. Бұл үйде олар тұрмайды, мен тұрам. Менің бес балам бар, құласа астында қалады ғой. Үйдің төбесін алғаннан кейін босайтыны босап, құлайтыны құлап жатыр. Осы жәйтті көрсетсем де ешкім елеп жатқан жоқ, –  деді үй иесі.

Осы жағдайға байланысты Жамбыл облысы әкімінің орынбасары Талғат Мамаевтын пікірін алдық.

— Бүгін таңертең Қайнар ауылын аралап шықтым. Сол үйдің тұрғынымен кездесіп сөйлескен болатынбыз. Бұл мәселе бойынша техникалық сарапшылар мен құрылысшылар бар. Ол кісілерге тапсырма берілді, тағы да қарап, тиісті техникалық қорытынды шығарып берсін. Қорытындыға сәйкес құрылыс жұмыстары жүргізілетін болады. Сол ауылдын қалпына келтіру жұмыстарын кестеге сәйкес орындаймыз, –  деді Талғат Шариұлы.

Айта кетерлігі, Байзақтағы жойқын жарылыстардан 15 адам қайтыс болып, бір адам із түзсіз кетіп,  іздеу салынған болатын. Қазіргі таңда әскери бөлімде тазалау мен тергеу жұмыстары жүргізілуде.

Байзақтағы жарылыс: қираған үй иелері наразы

Оқиға орнынан репортаж жүргізген Orda.kz жергілікті тілшісі – Исламбек Дастан.

Суреттер мен бейнежазбалар Исламбек Дастандікі.

Бөлісіңіз: