Байзақтағы оқиға: соңғы жарылыстан үш адам жарақат алды

Жамбыл облысы Байзақ ауданындағы соңғы жарылыстан тағы үш әскери жеңіл жарақат алды, деп хабарлайды Orda.kz.

Бұл туралы Қазақстан Республикасы Қорғаныс министрлігі Бас инспекциясының басқарма бастығы, полковник Жұмабек Хасенов жергілікті тілшімізге берген сұхбатында айтты.

Сұхбаттың толық мәтінін Orda.kz редакциясы қосымша жариялайтын болады.

Еске салсақ, биылғы 26 тамызда  Жамбыл облысы Байзақ ауданы Қайнар елдімекені маңындағы әскери бөлімнің қару-жарақ сақтайтын қоймасынан өрт шықты.

Өртті ауыздықтауға әскерилер мен төтенше жағдайлар басқармасының офицерлері мен сержанттар құрамы бірлесе тілсіз жауға қарсы тұрып,  тосыннан болған қатты жарылыстардан 15 адам қайтыс болып, 1 адам із түзсіз жоғалып кеткендігі туралы жазған болатынбыз.

Өрт шыққан инженерлік оқ -дәрі қоймасы аумағында,  29 тамыз күні  сағат 12.20 шамасында  жарылысқа ұқсас дыбыс тіркелген.

Жарылысқа ұқсас дыбыстың неден болғандығы туралы Қазақстан Республикасы Қорғаныс министрлігі Бас инспекциясының басқарма бастығы, полковник Жұмабек Хасенов түсіндіріп берді.

— Үш адам жарақат алғаны рас, күзетші мен «контрактник» жеңіл жарақат алды. «Противотанковый»  минаның генераторы болады. Оларды аяқпен басып кетпесе де,  1-2 метр маңында болса,  жарылысқа ұқсас дыбыс шығарып, инелерін жан-жаққа ұшырады. Үш әскери дер кезінде госпитальге жеткізіліп, ем домдарын алып, қайта қызметке келді, – дейді Жұмабек Хасенов.

Осы жарылыстан үш әскери жеңіл жарақат алғандығы белгілі болды. Соңғы оқиғадан қайтыс болғандар мен қатты зардап шеккендер жоқ.

Авторы Orda.kz редакциясының Тараздағы тілішісі - Исламбек Дастан.

Материалға қолданылғын барлық сурет автордікі.