Байзақ ауданы: оқ-дәрiлер фрагменттері бақыланатын жарылыстар басталады

2022 жылғы 6 маусымнан бастап Жамбыл облысы Байзақ ауданының маныңдағы таулы жерде 2021 жылғы тамыз күні Оңтүстік өңірлік қолбасшылығының 28349 әскери бөлiмiнiң техникалық және оған iргелес аумағында төтенше оқиғадан кейін жиналған оқ-дәрiлер фрагменттерінің бақыланатын жарылыстары қайта басталады .

Жарылыстар жер таулы, шөлдi, елді мекендерден қауiпсiз қашықтықта орналаскан аймақта жүргiзiледi: Тараздан шығысқа қарай 20 шқ және 28349 әскери бөлімінің аумағынан 10-12 шқ қашықтықта орналасқан аймақта.

Барлық параметрлер бойынша бұл аумақ бақыланатын жарылыстарды жүргізуде халықтың қауіпсіздігі , оқ- дәрілердің  фрагменттерін тасымалдауды және жоюлы жүзеге асыратын инженерлік-саперлік бөлімшелердiң жеке құрамының қауіпсіздігі үшін ең қолайлы орын болып табылады. Бұл аумақ Жамбыл облысының әкiмдiгiмен қарастырылған, ешкiмнiң жеке меншiгi емес.

Қауiпсiздiк шараларын қамтамасыз ету мақсатында жарылыс жұмыстарын жүргiзу кезiнде аталған алаң әскери полиция қызметкерлерi мен Жамбыл облысы Байзақ ауданының ПБ-мен бiрлесiп қоршалатын болады.

Жақын маңдағы елдi мекендердiң тұрғындарын Байзақ ауданының әкiмдiгi жуырда оқ- дәрiлер фрагменттерiнiң бақыланатын жарылыстарын өткiзу туралы хабардар еттi, оны өз кезегінде Жамбыл облысының әкiмдiгi Оңтүстiк өңiрлiк қолбасшылығы арқылы хабардар етті.

Жарылыс жұмыстары күн сайын 6 маусым мен 25 қараша аралығында дүйсенбіден-жұмаға дейiн күніне екі рет , сагат 9.00- ден 18.00- ге дейiнгi уакыт аралығында жүзеге асады.

Жарылыстың дыбыс жəне сейсмикалық ықтимал әсерiн төмендету мақсатында оқ- дәрiлердiң фрагменттерiн жою аз мөлшерде жүргiзiлетiн болады.

Сондай- ақ , әскери бөлiмнiң техниқалык аумағында оқ-дәрiлердiң ұшып кеткен бөлшектерін тазарту жұмыстары жалғасуда. Бұл жұмыс қоймалардың, ашық алаңдар iшiндегi жарылыс каупi бар заттарды талдауды және тазартуды қамтиды.

Жарғыштарды жою жерге терең қазылған арнайы пештерде жүргiзiледi . Бұл әдіс әскери қызметкерлер мен халық үшiн кауiпсiз.

Сондай -ақ, техниқалық аумақта хабар-ошарсыз кеткен кiшi сержант Бауыржан Дәуітбаевты iздестiру жұмыстары жалғасуда. Әскери бөлімнен тыс жерде Б. Дәуітбаевты iздестiру жұмыстарын жергiлiктi полиция өкiлдерi жүргізеді.

– Жоғалған кіші сержант Дауітбаев Бауыржан бойынша, қазіргі таңда жарылған қоймалардың үйінділерін електен өткізу арқылы іздеу жұмыстарын жалғастырып жатырмыз. Бірақ іздеу жұмыстары нәтижесін бермей жатыр. Негізі басқа қаза тапқан адамдардың кішкентай заттарына дейін тауып жатырмыз. Біреудің құжаты, біреудің көз әйнегі шығады іздеу жұмыстары жалғастырылуда,  - деді №28349 әскери бөлімінің басшысы подполковник  Еркін Әбдісадықов.

Исламбек Дастан