Байтұрсынов мұражай-үйі Алматы әкімдігінің меншігіне өтті

Алматы әкімі Бақытжан Сағынтаев Ахмет Байтұрсыновтың мұражай-үйінде болды. Қала әкімі мұражай-үйді қоғамдық қордан коммуналдық меншікке беру туралы шешім қабылданғанын хабарлады.

Бұл туралы Orda.kz хабарлады.

Мегаполис әкімі Бақытжан Сағынтаев көрнекті ағартушының тарихи-мәдени мұрасын сақтау мақсатында тиісті шешім қабылдады.

«Келер жылы көрнекті ағартушы А. Байтұрсыновтың туғанына 150 жыл толады. Мерейтойға дайындық барысында қоғам қайраткері тұрған мұражай-үйді қала меншігіне қайтардық. Оның мұрасы мәңгілік сақталады», – деп жазды Сағынтаев Twitter-де.  

Келер жылы көрнекті ағартушы А. Байтұрсыновтың туғанына 150 жыл толады. Мерейтойға дайындық барысында қоғам қайраткері тұрған мұражай-үйді қала меншігіне қайтардық. Оның мұрасы мәңгілік сақталады. pic.twitter.com/uh3jRQh5X6

— Бакытжан Сагинтаев (@sagintayev_b) October 13, 2021

ХХ ғасырдың басында салынған мұражай ғимараты республикалық маңызы бар тарих және мәдениет ескерткіштерінің мемлекеттік тізіміне енгізілген. Ғимараттың жалпы ауданы – 160 шаршы метр.  

Мұражай 1993 жылы салынып, 1998 жылы ресми түрде ашылды. Мұражайда Байтұрсыновтың өмірі мен шығармашылығы туралы 500-ге жуық материалдар сақталған.