Байқоңырда ғарыш айлағы аумағына заңсыз кірген үш еуропалық ұсталды

Байқоңырда ғарыш айлағы аумағына заңсыз кірген үш еуропалық ұсталды.

Бұл туралы SHOT telegram-арнасы хабарлады.

Шетелдіктер, оның ішінде екі Нидерланд және бір Бельгия азаматы жанармай құю кешеніне кірген. Оларды патрульдік полиция қызметкерлері байқаған.

Ұсталғандар:

• Мартин Н.В., 25 жаста, Нидерланд азаматы;
• Холбен Л.Д., 26 жаста, Бельгия азаматы;
• Оомс С.Н., 29 жаста, Нидерланд азаматы.

Олардың ғарыш айлағына еш қатысы болмаған, рұқсат құжаттары да болмаған. Полиция олардың тыңшылыққа қатысы бар-жоғын тексеріп жатыр.

Қазіргі уақытта олар күзетілетін нысанға рұқсатсыз кіргені үшін бес тәулікке әкімшілік қамауға алынды.

Бір ай бұрын аптап ыстықта Байқоңыр нысандарының біріне жаяу бармақ болған француз туристі қайтыс болған болатын.