Байқоңыр ғарыш айлағына кірмек болған Франция азаматы қаза тапты

Қазақстанның Ресейге жалға берген Байқоңыр ғарыш айлағында оқыс оқиға болды. Бір адам қаза тапты.

Бұл туралы РИА Новости дереккөздерге сілтеме жасап хабарлайды. 

«Францияның екі азаматы Қазақстандағы Байқоңыр ғарыш айлағы аумағына өтпек болды. Олардың бірі денесінің сусыздануынан қайтыс болды» деп хабарлады агенттік.

Дереккөздің хабарлауынша, екінші Франция азаматы досына көмектесе алмай, қайтадан тас жолға қарай жүгірді.

«Ол тас жолға жетіп, өтіп бара жатқан көлікті тоқтатып,  жағдайды түсіндірді. Адамдар көмекке келгенше алғашқы француз сусызданудан мерт болды»  деп қосты РИА Новости.