Байден Путинді «жындыға» теңеді

АҚШ президенті Джо Байден Сан-Францискодағы сайлау науқаны кезінде Ресей президенті Владимир Путинді «жындының баласы» деп атады, деп хабарлайды Orda.kz порталы.

Байденнің сөздері адамзатқа төнетін негізгі қауіптерді талқылау барысында айтылды

«Бұл соңғы экзистенциалды қауіп - климат. Бізде Путин және басқалар сияқты «жындының балалары» бар және біз әрқашан ядролық қақтығысқа алаңдауымыз керек, бірақ адамзатқа экзистенциалды қауіп - климат», - деді Байден.

Reuters атап өткендей, сайлау науқаны кезінде Байден Кремльге жиі қатал баға бере бастаған болатын. Өткен аптада АҚШ президенті колониядағы ресейлік саясаткер Алексей Навальныйдың өліміне Путин мен оның «содырларын» айыптады.

«Біз не болғанын нақты білмейміз, бірақ Навальныйдың өлімі Путин мен оның қаскөйлерінің әрекетінің нәтижесі екені даусыз», - деді Байден.

Ал Ресей президентінің баспасөз хатшысы Дмитрий Песков Байден бұл сөздерінен «ұялуы керек» деді.

«Мен Америка Құрама Штаттары басшысының аузынан шыққан мұндай дөрекі мәлімдемелер басқа мемлекеттің басшысын, әсіресе президент Путинді ренжітуі екіталай деп айта аламын. Бірақ бұл елдің өзі үшін, Америка Құрама Штаттары үшін үлкен масқара. Мұндай елдің президенті дөрекілік қолданады, бұл ұят», - деді Песков.