Байден пандемияның жаңа түріне дайындалуға шақырды

АҚШ президенті Джо Байден БҰҰ Бас Ассамблеясының жыл сайынғы өтетін 76-сессиясында халықаралық деңгейде үндеу жасап, келесі пандемияға дайындалуға шақырды.

Бұл туралы Orda.kz хабарлайды.

Байден өз сөзінде әлемнің барлық елдері таңдау алдында тұрғанын атап өтті.

– Біз адам өмірі үшін, COVID-19-ды жеңу үшін, келесі пандемиядан қорғану үшін тізе қосып жұмыс істейміз немесе вирустың жаңа, қауіпті түрімен бетпе-бет келгенде қолда бар құралдар мен білімімізді пайдалана алмаймыз, - деді Байден.

Ол Жердегі климаттың өзгеруіне байланысты бірқатар қиыншылықтар күтіп тұрғанын жеткізді. Джо Байденнің айтуынша, әлемдік қауымдастық өз таңдауын жасауы керек: табиғаттың қиындықтарымен бетпе-бет келу немесе құрғақшылық, су тасқыны, өрт пен дауылдан зардап шегу.