Байден АҚШ әскерінің Ауғанстаннан неге кеткенін түсіндірді

АҚШ президенті Джо Байден Ауғанстаннан карулы күштерді шығару туралы шешімін түсіндірді.

Бұл туралы Orda.kz хабарлайды

Ақ үйде сөз сөйлеген Байден ауған халқы жеңіске жете алмайтын соғыста американдықтардың тағы бір ұрпағын құрбан етпей, орнына өз болашағын шешуі керек деді.

Президент 31 тамызды АҚШ-тың Кабулдағы елшілігінің қауіпсіздігін қамтамасыз ету үшін шамамен 650 әскерді алып тастаудың соңғы күні етіп тағайындады.

Байденнің айтуынша 2001 жылы елге кіргендегі мақсат орындалған, ол - «Аль-Каид» содырларын жойып, 2011 жылғы 11 қыркүйектегі оқиғаға ұқсас жағдайдың АҚШ-та қайталанбауы болған. Байден дәл сол шабуылды ұйымдастырушы Усама бин Ладен америкалық әскери топтың қолынан қаза тапқанын да айтты.

– Біз аталған мақсаттарға қол жеткіздік. Біз ұлттық құрылыс үшін Ауғанстанға бармадық. Бұл тек ауған халқының өз болашағын және өз елін қалай басқарғысы келетінін шешудегі құқығы мен жауапкершілігі, - деді Байден.

Сондай-ақ, Байден аймақ елдерін Ауғанстандағы соғысушы тараптарды саяси бақылау жасауға көмектесуге шақырды.

Бұған дейін АҚШ Орталық Азия елдерінен АҚШ армиясына көмектескен 9000-ға жуық ауған босқындарын уақытша кіргізуді сұрайды.

8 шілдеде Мәскеуге келген Ауған талибандары делегаттары Ресей үкіметінің өкілдеріне Орталық Азия елдерінің тұтастығын бұзбауға уәде берді. Мәлімдеме Ресей Сыртқы істер министрлігінің ресми сайтында жарияланған.