Баянауылда жүргізуші жалған айыптан ақталып, мемлекеттен 1,2 миллион теңге өндірді

Павлодар облысының тұрғыны Ж.-ға «көлікті мас күйінде басқарды» деген жалған айып тағылды. Бірақ сот шешімі жойылып, жүргізушіге мемлекеттен 1,2 миллион теңге өтемақы төленді, деп хабарлайды Orda.kz.

2023 жылы күзде Ж.-ны полиция тоқтатып, сақтандырусыз жүргені үшін хаттама толтырды. Құжаттар тексеру кезінде полицейлер оның көзінің қызарғанын байқап, есірткі қолданды деп күдіктенді. Ж. түнгі ауысымнан кейін шаршағанын және түтін бөлмесінде ұзақ тұрғанын түсіндірді, бірақ бұл ескерілмеді.

Ж.-ға үш тексеру жүргізілді. Оны «мас күйінде көлік жүргізді» деп кінәлап, 15 тәулікке қамауға алып, жеті жылға жүргізуші куәлігінен айырды.

Ж.-ның адвокаты сот шешіміне қарсы шығып, апелляциялық шағым түсірді. Көлікті мас күйінде жүргізгені дәлелденбегені айтылды.

Павлодар облыстық соты Ж.-ның кінәсі жоқ екенін анықтап, істі тоқтатты. Ж. заңсыз айыптау үшін мемлекеттен 1,2 миллион теңге өндіріп алды.