Баянауыл ұлттық табиғи паркін қарақұрт басты

Баянауыл ұлттық ұлттық табиғи паркі демалушыларына қарақұрт басып жатқаны туралы ескертілді. Мамандар улы жәндіктер тұқымдасынан 62 аналық және 159 улы өрмекші тұқымын жинады, деп хабарлайды Orda.kz Павлодар-online сайтына сілтеме жасап.

«Баянауыл ұлттық табиғи паркі Торайғыр көлінің бойында – екі шақырымнан астам аумақта – қарақұрт бар екенін ескертеді. Олардың шағуы өте қауіпті. Барлық демалушыларды ақпараттандыру жұмыстары жүргізілуде» делінген ұлттық саябақ хабарламасында.

Мамандар күн сайын 20-дан астам аналық пен 80-ге дейін піллә тауып жатыр.

Қалыптасқан жағдайға байланысты ұлттық парк басшылығы облыстық денсаулық сақтау басқармасына қарақұрттың шағуына қарсы қажетті дәрі-дермектер болуы қажеттігін ескертті.

Қазақстанның басқа аймақтарында бірнеше адамды, оның ішінде балаларды қарақұрт шағып алып, жансақтау бөліміне түскенін ескерсек, бұл қажетті шара.

Сондай-ақ, соңғы екі айда Атырау облысында осы жәндіктер 485 түйені шағып, оның 90-ы өлді.