Баянауыл ұлттық саябағында заңсыз жер берілгені анықталды

Баянауыл ұлттық паркінде прокурорлық тексеру барысында жерді заңсыз иелену, заңсыз құрылыс салу және учаскелерді конкурссыз беру фактілері анықталды, деп хабарлайды Orda.kz.

Қазіргі уақытта бақылау актісіне сәйкес, жерді босату және заңсыз құрылыс нысандарын бұзу шаралары қабылдануда (4 учаске, жалпы алаңы 1,9 га, 4 нысанды бұзу арқылы босатылды).

Сондай-ақ, прокурордың наразылығы бойынша, Орман шаруашылығы комитеті туризм нысандарын орналастыру үшін жер учаскелерін беру тарифтерін бекіту жөнінде жұмыстар жүргізуде.

Бүгінде 70-ке жуық демалыс үйлері, кафе және мейрамханалар жалға алынған жер учаскелеріне ақы төлеуден босатылған.

Осының нәтижесінде, Баянауыл ұлттық паркі жыл сайын 230 миллион теңгеге жуық қаражат жоғалтып отыр, бұл қаражат экологиялық қорғау шараларына, қызметкерлердің жалақысын төлеуге және т.б. бағытталуы мүмкін еді.