Баянауыл демалыс орнының жабылатыны рас па?

Қазақстандықтарды Баянауылдағы демалыс орнының жабылатындығы туралы хабар үрейлендірді.

Бұл туралы Orda.kz хабарлайды.

Stopfake.kz атап өткендей, курорт қазіргі уақытта туристер үшін ашық. Демалыс аймақтары мен жағажайлар барлық санитарлық талаптарға сай жұмыс істейді.

Қазақстандықтардың сүйікті демалыс орны аумағында карантин енгізу жоспарланбаған.

– Бұл ақпарат шындыққа сәйкес келмейді. Павлодар облысының Баянауыл ауданы коронавирустық инфекцияның таралуы бойынша «жасыл» аймақта. Бүгінгі күні облыста эпидемиологиялық жағдай тұрақты, - деді Санитарлық-эпидемиологиялық бақылау комитетінің ресми өкілі Ержан Байтанаев.