Баян Мақсатқызы бұрынғы күйеуінің бостандыққа шығуына байланысты пікір білдірді

Актриса әрі продюсер Баян Мақсатқызы соттың бұрынғы күйеуі Бақытбек Есентаевты мерзімінен бұрын босату туралы шешіміне қатысты пікір білдірді.

Бұл туралы продюсер өзінің instagram парақшасында жазды.

Қазақстандық шоу-бизнес жұлдызы 2022 жылдың өзі үшін өте маңызды болғанын, соның ішінде Бақытбек Есентаевтың бостандыққа шығуы туралы хабарды да атап өтті.

«Немерем дүниеге келді. Менің отбасылық зорлық-зомбылық туралы фильмім әлем бойынша салтанатты шеруін жалғастыруда, қазіргі күйеуіме қатысты әділдік орнады. Ал бүгін бұрынғы күйеуім Бақытбек Есентаевтың шартты түрде мерзімінен бұрын босатылғаны белгілі болды. Бір ай бұрын, мен оның босатылуына қарсы еместігім туралы өтінішке қол қойдым. Сот менің өтінішімді қанағаттандырды және ол жақын арада босатылады. Мен өте қуаныштымын және оған денсаулық пен барлық жақсылықты тілеймін! Өзім үшін, отбасым үшін, балаларым мен немерелерімнің разылығы үшін Алла Тағалаға сансыз шүкіршілік етемін!» деп жазды Баян Мақсатқызы іnstagram парақшасында.

Еске салсақ, Бақытбек Есентаев 2016 жылдың маусым айынан бері түрмеде отыр. Ол бұрынғы әйелі Баян Мақсатқызын өлтірмек болды деп 9 жылға бас бостандығынан айырылған болатын. 12 шілдеде сот оны мерзімінен бұрын босатуға рұқсат бергені белгілі болды.