Байқоңырда жеті жасар екі жасөспірім жоғалып кетті, біреуінің денесі табылды (видео)

Байқоңыр қаласында 20 ақпанда жеті жасар екі жасөспірім  жоғалды. Балаларды ресейлік және қазақстандық құқық қорғау органдары іздестіруде. Бұл туралы «Байқоңыр» ғарыш кешенінің прокуратурасы хабарлады. 

20 ақпан күні екі бала  «Маяк» спорт кешенінен жаттығудан шыққан бойы жоғалып кетті. Ресейдің Тергеу комитеті қос бүлдіршіннің  жоғалуы бойынша қылмыстық іс қозғады. Осы уақытқа дейін балалардың қайда екені белгісіз болып отыр. 

«Байқоңыр» кешенінде жұмыс істейтін ресейлік және қазақстандық құқық қорғау органдары, Байқоңыр қаласының әкімшілігі және өзге де уәкілетті органдар жоғалған балалардың орналасқан жерін, мән-жайын егжей-тегжей анықтап жатыр. Қылмыстық істің тергеу барысын кешен прокуроры ерекше бақылауға алды», - деп мәлімдеді «Байқоңыр» кешенінің прокуратурасы.

Байқоңырда жоғалып кеткен балалардың  бірі өлі күйінде табылды. Бұл туралы Қызылорда облысының Төтенше жағдайлар департаменті хабарлады. Екінші баланы іздеу жалғасуда.