Байқоңырдағы жасөспірімнің неден көз жұмғаны анықталды

Сарапшылар баланың денесінде ешқандай зорлық-зомбылық белгілері табылмағанын айтты. Ол суға батып кеткен.

Жоғалған балаларды іздеуге Қазақстан мен Ресейдің құқық қорғау органдарының күштері жіберілді. Ресейдің тергеу департаменті Ерхан Анастың денесі Байқоңыр понтонынан Сырдария өзенінің жоғарғы ағысымен мұз жиегіне жақын жерден 500 метр қашықтықта табылғанын хабарлады.

Сот-медициналық сараптама өлімге суға батқан кезде тыныс алу жолдарының сумен жабылуына байланысты механикалық асфиксия себеп болғанын анықтады. Қайтыс болған баланың денесінде басқа зорлық-зомбылық белгілері жоқ.

Қазір Байқоңыр қаласы тұрғындарының арасынан авиация, сүңгуірлер және еріктілер екінші сегіз жасар баланы іздеуді жалғастыруда. Іздестіру-құтқару жұмыстарына барлығы 267 адам жұмылдырылған.

Еске салсақ, 21 ақпанда Байқоңырда 2013 жылы туған екі ұлдың жоғалып кеткені белгілі болды. Балалардың біреуінің денесі табылды.