Байқоңыр коммерциялық ұшырылым үшін қолданылады

Ресей сыртқы істер министрі Сергей Лавров Байқоңыр ғарыш айлағының болашағы туралы айтты.

Бұл туралы Orda.kz хабарлады.

– Бүгін біздің бірлескен күн тәртібімізде Қазақстанның жеке ғарыштық әлеуетін құруға, үшінші тұлғаларға ғарыш айлағын коммерциялық зымыран ұшыру үшін қызмет көрсетуге бағытталған бастамалар тұр. Сондай-ақ, біз Юрий Гагариннің ғарышқа ұшқан күнін қалай атап өтетініміз туралы уағдаластық, - деді Сергей Лавров.

Ресей министрі ғарышты игерудегі бірлескен жетістіктерді атап өтті.

– Өткен жылдың маусым айында Байқоңыр ғарыш айлағы өзінің 65 жылдығын атап өтті. 2021 жылдың 4 қазаны - Жердің алғашқы жасанды серігі ұшырылған күн. Ғарышты бейбіт мақсатта игеру саласындағы бірлескен күш-жігердің арқасында қол жеткізген табыстарымызға құрметпен қарайық, - деді Лавров қазақстандық әріптесі Мұхтар Тілеубердімен кездесуден кейін.