Байқоңыр ғарыш айлағы: «Союз-2.1б» зымыран тасығышы ұшырылды

Байқоңыр ғарыш айлағынан «Фрегат» үдемелі блогы бар «Союз-2.1б» зымыран тасығышы ұшырылды

Бұл туралы Orda.kz хабарлайды.

Роскосмостың хабарлауынша, Нұр-Сұлтан уақытымен түнгі 12-ден өте ғарыш аппараты зымыраннан сәтті ажыраған.

Бұл биылғы жылы ғарышқа ұшқан 15-ші ресейлік зымыран болып отыр. Негізгі міндеті – орбитаға 34 британдық «Уанвеб» байланыс спутнигін алып шығу. Еске салайық, бұған дейін «Союз-2.1б» 22 тамызда ұшқан еді.

Ғарыш аппараты Arianespace (OneWeb ғарыш аппараттарын ұшыру операторы) еуропалық провайдерінің тапсырысы бойынша және Старсем Главкосмоспен келісімшарт бойынша ұшырылды. Ол Роскосмостың еншілес кәсіпорындарының бірлескен есебі бойынша жүргізілді.