Бахрейндегі 39 қазақстандық әйел жыныстық құлдықтан құтқарылды

39 қазақстандық әйел Бахрейн Корольдігінде жыныстық құлдықтан шығарылды. Бұл туралы ҚР ІІМ Тергеу департаментінің бастығы Санжар Әділов мәлімдеді, деп хабарлады Orda.kz.

Қазақстанның құқық қорғау органдары адам сату фактілері бойынша 133 қылмыстық істі тергеп жатыр, 48 адам жауапқа тартылуда. Үш елдің азаматтары Шымкенттен және Түркістан облысынан Бахрейн Корольдігінде жыныстық құлдыққа сатқан жағдайлардың бірі жақын арада сотқа өтеді.

– Ішкі істер министрлігінің Тергеу басқармасы 2016 жылдан 2020 жылға дейін біздің елде болған Қазақстан Республикасының, Ресей Федерациясының және Бахрейн азаматтары арасынан шыққан трансұлттық ұйымдасқан топтың ұйымдастырушылары мен мүшелеріне қатысты қылмыстық істі тергеп жатыр. Олар қыздарды Бахрейн Корольдігіне жезөкшелікке тартқан. Барлығы 39 құрбан анықталды, олар Шымкент қаласы мен Түркістан облысының тұрғындары, - деді Әділов.

Жалпы осы іс бойынша 19 адам күдікті деп танылды, оның үшеуі халықаралық іздеуде, 15-і қамауға алынды. Әділовтың айтуынша, оны экстрадициялау туралы материалдар Бас прокуратураға жіберілген.