Бабалар аманатына адал болып, Отанымызды қорғаймыз – Тоқаев
Президент Маңғыстау облысына жұмыс сапары барысында «Оймаша» полигонында өткен «Отпантау-2021» шұғыл-стратегиялық командалық-штабтық әскери оқу-жаттығу жиынына барды.
Бұл туралы Orda.kz Ақордаға сілтеме жасап хабарлайды.
Мемлекет басшысы арнаулы мақсаттағы бөлімдердің дайындығын тексеріп, қару-жарақтар мен техникалардың заманауи түрлерін көрді, сондай-ақ Ақтаудағы әскери госпиталь мен Маңғыстау облысындағы авиациялық инфрақұрылымның құрылыстарына қатысты презентациямен танысты.
Жоғарғы Бас қолбасшы «Оймаша» полигонында өткізілген оқу-жаттығу жиынының маңызы зор екенін айтты.
– Бұл тарихи мекен – елдік пен ерліктің, бірлік пен тұтастықтың символы. Ел шетіне жау тигенде бабаларымыз осы таудың басына «Ұран отын» жаққан. Жауапты сәтте бір тудың астына жиналған. Сондықтан жұртымыз оны «Бірліктің оты» деп атаған. Ерлеріміз туған жерді қорғау үшін жорыққа Отпантаудың бауырынан аттанған. Осы жерде ұлт тағдырын шешетін маңызды жиындар өткен. Бұл игі дәстүр қазіргі күнге дейін жетіп отыр. Біз батырларымыздың рухына тағзым етеміз. Сонымен бірге дәстүр сабақтастығын сақтаймыз. Ең бастысы, байтақ даланы ұрпағына мирас еткен бабалар аманатына адал болып, Отанымызды қорғаймыз, – деді Тоқаев.
Әскеріміздің нақты соғыс жағдайында да биіктен көрінетініне сенім білдірген Жоғарғы Бас қолбасшы еліміздің Қарулы Күштерінің әскери дайындығының деңгейі жоғары екенін айты.
– Армияда үнемі жаңғыру үдерісі жүргізіледі. Бұл заманауи сын-қатерлер мен қауіптерге дайындығымызды қамтамасыз етеді. Арнайы операциялар жүргізетін күштер, барлау бөлімдері мен арнаулы мақсаттағы бөлімшелер қарқынды дамып келеді. Диверсиялық әрекеттерге қарсы іс-қимылдар пысықталады. Тура соққы жасайтын қарулар мен ұшқышсыз басқарылатын құралдар кеңінен қолданыла бастады, – деді Президент.
Жаңалықтар
- Өзбекстан биыл Қазақстанға егістіктерді суару үшін 922 миллион текше метр су беруге уәде берді
- Бишімбаевқа жазасын жеңілдетуге мүмкіндік берілді
- Петропавлдың су басқан ауданынан бір ай бұрын жоғалып кеткен ер адамның денесі табылды
- Қазақстанда жаңа халықаралық рейс пайда болады
- Қызылордада екі бала балконнан құлап кетті
- Ауғанстандағы су тасқынынан 300 адам қаза тапты
- «Бишімбаев неше жылға сотталады?»: Сот алқабилерге қойылатын сұрақтарды оқыды
- Атырау облысында ауылға су кірді
- Варшавадағы ірі сауда орталығы өртке оранды
- Тарихта алғаш рет қазақ қызы Эверестке шықты
- Сергей Шойгу отставкаға жіберілді
- Хоккейшілеріміз 2024 жылғы әлем чемпионатының басында Францияны жеңді
- Армения мен Әзірбайжан сыртқы істер министрлері Алматыда екі күндік келіссөздерін аяқтады
- Шымбұлақ 13 мамырдан бастап аспалы жолдарды уақытша жабады
- Қазақстандағы жаңа мемлекеттік мекемеге шамамен 2 миллиард теңге жұмсалады
- Атырау облысында Жайықтың суы көтерілуде
- 12 мамыр елімізде Аналар күні мерекесі
- Қазақстан бірқатар елдермен ынтымақтастықты арттыруға ниетті
- Жайық өзеніндегі қатты ағыстан жеті адам құтқарылды
- Сәкен Мамаштың әйелі көп жылғы жан түршігерлік азаптың жай-жапсарын айтып берді