Бақытжан Сағынтаев отставкаға кетпейді - Алматы қаласының әкімдігі

Желіде Алматы қаласының әкімі Бақытжан Сағынтаевтың отставкаға кетіп, орнына Бейбіт Атамқұловтың келе жатқаны туралы хабарлама тарады.

Алматы әкімдігі бұл ақпаратты жоққа шығарды.

«Әлеуметтік желіде тараған Алматы әкімі Бақытжан Сағынтаевтың отставкаға кеткені туралы ақпарат шындыққа жанаспайды. Қала әкімі Бақытжан Сағынтаев өз жұмысын атқарып, Алматының тыныс-тіршілігін тезірек қалпына келтіру мәселелерін шешуде» делінген Алматы қаласы әкімдігінің баспасөз қызметінің хабарламасында.

Еске салсақ, Алматы қаласының тұрғындары қала әкімі Бақытжан Сағынтаевқа қарсы петиция жариялаған болатын.