Бақытжан Сағынтаев Қазақстанның Ресейдегі елшісі болып тағайындалады – дереккөз

Қасіретті қаңтардан кейін отставкаға жіберілген Алматының бұрынғы әкімі Бақытжан Сағынтаев Қазақстанның Ресейдегі елшісі болып тағайындалады.

Бұл туралы «ABZHAN NEWS» telegram-арнасы хабарлайды.

«Бақытжан Сағынтаев Ресей Федерациясындағы Елші болып тағайындалады деп күтілуде» делінген хабарламада.

Бұған дейін, Алматының экс-әкімі Еуразиялық экономикалық комиссиядағы Руслан Бекетаевты алмастырады деген ақпарат тараған болатын.

Еске салсақ, бұған дейін Алматы тұрғындары Алматы әкімі Сағынтаевтың отставкаға кетуін талап еткен петиция жарыққа шығып, 20 мыңнан астам қол жиналды. Желіде Алматы қаласының әкімі Бақытжан Сағынтаевтың отставкаға кетіп, орнына Бейбіт Атамқұловтың келе жатқаны туралы хабарлама тарады. Алматы әкімдігі бұл ақпаратты жоққа шығарған болатын.

31 қаңтар күні Қазақстан президенті Сағынтаевты отставкаға жіберіп, орнына Ерболат Досаевты тағайындады.