БАҚ: Украинаның жүк ұшағы қауіпті жүкпен Грецияның солтүстігінде апатқа ұшырады

Грекия БАҚ-ның хабарлауынша, апатқа ұшыраған Антонов ұшағының бортында сегіз адам болған, ол 12 тонна қауіпті жүкті тасымалдаған.

Украиналық әуе компаниясының ұшағы Сербиядан Иорданияға рейс жасаған. Ұшқыш қозғалтқыштың істен шыққанын хабарлап, Кавала әуежайына шұғыл қонуға рұқсат алғаны көрсетілген. Алайда ұшақ аэродромнан шамамен 40 шақырым жерде құлады, деп хабарлады Грекияның азаматтық авиация басқармасы.

«Жалынға оранған алып ұшақ Пангеу муниципалитетіндегі Палеохори ауылының маңынан табылды. Өртті сөндіру операциясы жүріп жатыр. Мәліметтерге қарағанда, алып ұшақ жүгері алқабына құлап, жарылыстар естілген. Расталмаған ақпаратқа сәйкес, ұшақ бортында оқ-дәрі болған»  деп хабарлады жергілікті ERT телеарнасы.

Бұқаралық ақпарат құралдарының хабарлауынша, саперлер Пангеу муниципалитетіндегі Палеочори ауылы маңындағы ауданда апат болған жерге барған. Қару-жарақ тасымалдау фактісі әзірге расталған жоқ, бірақ оқиға куәгерлері ұшақ құлағаннан кейін «бір сағат бойы жарылыстар естігенін» айтады. Өртті сөндіруге 15 құтқарушы мен жеті техника жұмылдырылды.

Алайда, сақтық шарасы ретінде, ұшақ құлаған жерден шығатын өткір иіске байланысты адамдарға терезелерді жабық ұстау, үйден шықпау және бетперде кию ұсынылды.

Грекияның тағы бір басылымы Athen News ұшақтың Сербиядан Украина аумағына қару-жарақ пен әскери техника тасымалдағанын хабарлайды.