БАӘ президенті Халифа бен Заид Әл Нахаян қайтыс болды

Біріккен Араб Әмірліктерінің (БАӘ) президенті Халифа бен Заид Әл Нахаян 73 жасында қайтыс болды.

Бұл туралы The Jerusalem Post хабарлайды.

БАӘ мемлекеттік WAM ақпараттық агенттігінің хабарлауынша, мемлекет басшысы ұзаққа созылған науқастан кейін қайтыс болды.

БАӘ Президентінің істері министрлігі елде дереу 40 күндік қаралы күн басталатынын, тулар да жартылай көтерілетінін хабарлады. Федералдық және жергілікті деңгейдегі министрліктер мен ведомстволардағы, сонымен қатар жеке сектордағы жұмыс үш күнге тоқтатылады.

Халифа бен Заид – БАӘ-нің негізін қалаушы көшбасшы Заид бен Сұлтан Әл Нахайянның үлкен ұлы. Абу-Даби әмірі және БАӘ президенті ретінде ол елдің көшбасшысы болды. Алайда ол 2014 жылы инсульт алды және оның жағдайы тұрақты болғанына қарамастан, өкілеттіктердің басым бөлігі мұрагер ханзада Мұхаммед бен Заид Әл Нахаянға, оның туған інісіне берілді.