Экс-әкім Бағдат Мәнізоровтың үстінен қылмыстық іс қозғалды

Бас прокуратура Алматы облысы әкімінің бұрынғы орынбасары, Алматы қаласы Алатау ауданының экс-әкімі Бағдат Мәнізоровқа қатысты сотқа дейінгі тергеуді тіркеді.

Kozachkov offside Telegram-арнасының хабарлауынша, іс «Алаяқтық» бабы бойынша тергеліп жатқан кезде шенеунікке рейдерлік және бопсалау жасады деген айып тағылған. Мәлімдемеде Мәнізоровтың бірнеше базардың, сондай-ақ «Acer» қонақ үйінің, «Еуразия» сауда орталығының және басқа да мүліктердің нақты иесі екені айтылған.

Арыз берушінің талаптары базар құрылысымен байланысты – ол бірқатар нысандарда жұмыс атқарғанын және оған 6 млн долларға жуық шығын келгенін айтты.

Еске салсақ, 2019 жылы Бағдат Мәнізоровты сыбайлас жемқорлыққа қарсы қызмет пара алды деген күдікпен ұстаған, бірақ артынша іс тоқтатылған.