БАӘ дәрігерлер мен вирусологтарға «алтын виза» береді

Біріккен Араб Әмірліктері «алтын виза» арқылы 10 жылға тұратындар санын кеңейтуді жоспарлап отыр. Осы жайлы Дубай билеушісі Мұхаммед бен Рашид Әл Мактум хабарлады.

«Біз болашақты дамытатын таланттарды тартуға дайынбыз және бұл тек бастамасы», - деді Дубай әмірі.

Қазір тиісті жарлыққа қол қойылды.

Медицина, компьютерлік техника, электроника, бағдарламалау, биотехнология және электротехника ғылымдарының докторлары дәрежесінің иелері енді 10 жыл мерзімге тұруға рұқсат ала алады.

Мұхаммед бен Рашид Аль Мактум жасанды интеллект, эпидемиология, вирусология және басқа мамандықтар бойынша жоғары ғылыми дәрежелердің иелері де осы тізімге қосылатынын атап өтті.