Бұзақыларды халық батырына айналдырудың қажеті жоқ - Тоқаев

ҚР Президенті Қасым-Жомарт Тоқаев «Россия 24» телеарнасына берген сұхбатында елдегі қаңтардағы тәртіпсіздіктердің салдары туралы айтты.

Оның айтуынша, Алматыда болған оқиғаларды жеңіл бағалауға болмайды.

«Кісі өлтірумен, тонаумен айналысып, мемлекет іргетасына қарсылық көрсеткендерді халық батырына айналдырудың қажеті жоқ. Соған қарамастан, біз қажет жағдайда мейірімділік танытамыз, адамдарды туыстарының өтініші бойынша босатып жатырмыз, бірақ қылмыстық істер, әрине, басталады» деді мемлекет басшысы.

Президент қазіргі уақытта тек 26 адам нақты жазаға тартылғанын қосты. Қалған істердің барлығы жүріп жатыр.

«Қайғылы оқиғаның ауқымы зор. Әрине, мұнымен аз уақыт ішінде күресу өте қиын» деп түйіндеді ол.