БҰҰ: Украинада 470-тен астам бейбіт тұрғын қаза тапты

Бейбіт тұрғындар арасында Украинадағы соғыс құрбандарының саны 470-тен асты, деп хабарлайды БҰҰ.

7 наурыздың түн ортасындағы БҰҰ есебіндегі мәліметтерге сәйкес, Украинаның бейбіт тұрғындардан 474 адам қаза тауып, 861 адам жараланды. Қаза болғандардың арасында 29 бала бар.

«Донецк және Луганск облыстарында: 545 адам (96 адам қаза тапты және 449 адам жараланды). Адам шығыны туындаған уақытта үкіметтің бақылауында болған Украинаның басқа аймақтарында (Киев, Черкасск, Чернигов, Харьков, Херсон, Киев, Николаев, Одесса, Сумы, Запорожье, Житомир облыстары): 790 адам (378 адам қаза тапты және 412 адам жараланды)» делінген хабарламада.

Ресей мен Украина делегацияларының келіссөздерінің үш раунды 28 Ақпанда, 3 және 7 наурызда Беларусь аумағында өтті.

Екінші раунд барысында тараптар азаматтарды эвакуациялау, азық-түлік пен дәрі-дәрмек жеткізу үшін гуманитарлық дәліздерді бірлесіп қамтамасыз ету туралы түсіністікке қол жеткізді.

Келіссөздердің төртінші раунды жақын арада өтеді, деді Думаның Халықаралық істер жөніндегі комитетінің басшысы және Мәскеу делегациясының мүшесі Леонид Слуцкий.