Бұрынғы вице-министр Сәкен Мұсайбековке 62 млн айыппұл салынды

ҚР бұрынғы мәдениет және спорт вице-министрі Сәкен Мұсайбековке айыппұл салынды.

Бұл туралы Orda.kz Хабар24-ке сілтеме жасап хабарлады.

Сыбайлас жемқорлыққа қарсы қызмет Мұсайбеков сот шешімімен мемлекетке 62 млн теңге төлеуге тиіс екенін хабарлады.

Ағымдағы жылдың ақпанында Сәкен Мұсайбеков сыбайлас жемқорлық күдігімен ұсталды. Ол «Букмекерлік орталық» жобасын іске асыру үшін мемлекеттік-жекеменшік әріптестік туралы келісімге қол қоюға байланысты мәселені шешкені үшін 15 мың доллар алды деп айыпталды.

Мұсайбековке параның он еселенген мөлшеріне тең айыппұл - 62,3 млн теңге салынды. Дәл осындай соманы бұрынғы вице-министрге пара берген кәсіпкер де төлейді.

Орынбасарының кінәсі дәлелденген жағдайда министр Райымқұлова қызметінен кететінін мәлімдеген болатын.

Сәкен Мұсайбеков әр жылдары Қаржы министрлігінде, «Самұрық-Қазына» ҰӘҚ АҚ-да жұмыс істеді. Көлік және коммуникация вице-министрі қызметін атқарды, 2015 жылдың ақпанынан 2019 жылдың қаңтарына дейін ҚР Мәдениет және спорт вице-министрі болды. Содан кейін ол Ұлттық Олимпиада комитетінің бас хатшысы болып тағайындалды, содан кейін Мәдениет және спорт вице-министрі қызметін атқарды.