Бұрынғы вице-министр Алматы қаласы әкімінің орынбасары болып тағайындалды

Алматы қаласына жақында ғана әкім болып келген Ерболат Досаев орынбасарларын ауыстырып жатыр. Бүгін бұрынғы Денсаулық сақтау вице-министрі Әсем Нүсіпованы Алматы қаласы әкімінің орынбасары етіп тағайындады.

«ҚР Президенті әкімшілігінің келісімімен Алматы қаласының әкімі Ерболат Досаев Нүсіпова Әсем Бекқызын Алматы қаласы әкімінің орынбасары лауазымына тағайындады», - деп жазылған қала әкімдігінің хабарламасында.

Әсем Нүсіпова Алматы қаласында 1975 жылдың 1 мамырында дүниеге келген. Әл-Фараби атындағы ҚазҰУ-да «Экономика және менеджмент» мамандығы бойынша магистратура мен аспирантура тәмәмдаған.

2016-2019 жылдар аралығында ол ШҚО әкімінің орынбасары қызметін атқарған. 2020 жылы Денсаулық сақтау министрлігінің жауапты хатшысы, артынша Денсаулық сақтау вице-министрі қызметіне көтерілген.