Бұрынғы қорғаныс министрі Бектанов қамауға алынды

Қаңтар оқиғасына қатысты бұрынғы қорғаныс министрі Мұрат Бектанов қамауға алынды.

Нұр-Сұлтанда сағат 09.25-те қылмыстық-процестік кодексінің 128-бабына сәйкес, Қазақстан Республикасының бұрынғы қорғаныс министрі Мұрат Бектанов ұсталып, уақытша ұстау изоляторына қамалды.

«Ағымдағы жылдың қаңтарындағы жаппай тәртіпсіздіктер мен лаңкестік әрекеттер фактілері бойынша қылмыстық істерді тергеген кезде. Қазақстан Республикасы аумағында Қазақстан Республикасының бұрынғы Қорғаныс министрі М.Қ.Бектанов міндеттерін орындай алмады.

19.02.2022 аталған факті бойынша Қазақстан Республикасының Бас прокуратурасы Қылмыстық кодекстің 452-бабы (билік органдарының әрекетсіздігі) бойынша сотқа дейінгі тергеп-тексеруді бастады» делінген хабарламада.

Бұған дейін, жексенбі күні бірқатар бейресми Telegram арналары Бектановтың ұсталғаны туралы хабарламаны бірден таратқан.

Таратылған ақпаратқа сәйкес, Қаңтардағы қайғылы оқиғаларға байланысты қорғаныс министрлігінің бұрынғы басшысы ҚР Қылмыстық кодексінің 452-бабы (билік органдарының әрекетсіздігі) бойынша уақытша ұстау изоляторына қамалып, тергеуді Бас прокуратура бастаған..

«Кеше Бектанов шынымен ұсталып, тергеу изоляторына қамалды, Бас прокуратура оны тергеп жатыр» деп жазды журналист Михаил Козачков Telegram-арнасында.

Еске салайық, 19 қаңтарда президент Қасым-Жомарт Тоқаев Бектановты Қорғаныс министрі қызметінен босатып, оның орнына Руслан Жақсылықовты тағайындаған болатын. Кейін жаңа министрді таныстырған кезде мемлекет басшысы Бектановты қаңтар оқиғасы кезінде «қолбасшылық қасиет көрсетпеді» деген пікірмен қатты сынға алған болатын.