Бұрынғы офицер зорлауға оқталғаны үшін сотталды

Алматы облысы Қарасай аудандық сотының судьясы Амангелді Махамбетов Ұлттық қауіпсіздік комитетінің бұрынғы қызметкерін зорлау әрекеті үшін тоғыз жылға бас бостандығынан айырды.

Бұл туралы Orda.kz хабарлады.

Бұл іс жабық есік жағдайында қаралды.

Сотталушы капитан шенінен айрылды. Бұған дейін ол Алматы облысы бойынша Ұлттық қауіпсіздік комитетінің (ҰҚК бұдан әрі) жедел уәкілі болып жұмыс істеген.

- Қылмыстық кодекстің 120-бабының 2-бөлігінің «Зорлау» санкциясында 9 жылдан 12 жылға дейінгі мерзімге бас бостандығынан айыру түріндегі жаза қарастырылған. Сонымен қатар, егер қылмыс жасауға әрекет жасалса, заң жазалау мерзімін шектейді. Жаза мерзімі тоғыз жылдан аспауы керек. Сондықтан сот жауапкерді осындай мерзімге тағайындады, - деп түсіндірді соттың баспасөз қызметі.

Жәбірленуші материалдық және моральдық зиянды өтеу туралы талап арыз бермеді.

Сот үкімі заңды күшіне енген жоқ.

Еске салсақ, Алматы облысының тұрғыны Ая Умурзакова ҰҚК қызметкері оны зорламақ болғанын айтты.

Orda News-ке берген сұхбатында қыз қылмыстың 2020 жылы 12 қыркүйекке қараған түні Қаскелеңде болғанын айтты.

Ол өзінің сол кезде жүріп жүрген жігітімен сөзге келісіп қалған, жігіті оны жалғыз тастап, кетіп қалған. Ая жылап тұрған. Сол кезде жанына айыпталушы жақындап, оның жағдайын сұраған. Артынша оны үйіне жеткізіп салуға ұсыныс білдірген. Бойжеткен жаңа танысына сеніп, келісімін берген. Жүргізуші оны үйіне апарудың орнына жолаушыны қаңырап қалған жерге апарып, орамалын жұлып алып, қорлай бастады, ұрып-соғып, мазақтап, өлтіремін деп қорқытқан. Көліктің өтіп бара жатқанын пайдаланып, қыз қашып құтылған.